Қобда аудандық балалар өнер мектебінде жалпы ата - аналар жиналысы өтті. Жиналыс барысында мектеп басшысы Асыл Орынбасарқызы мектептің жарты жылдық жұмысы бойынша есеп беріп, атқарылған жұмыстар мен жетістіктерді баяндады. Оқушылар өз өнерлерін ортаға салып, жиналғандарды қуантты. Оқу жылында белсенділік танытқан ата - аналар алғыс хаттармен марапатталды. Сондай - ақ әр мұғалім ата - аналармен жеке кездесіп, балаларының оқу және шығармашылық жетістіктері жайлы пікір алмасты.